Pakiao óz aýylyndaǵy balalar bos júrip, esirtkige áýes bolmaýy úshin sport alańdaryn, qoǵamdyq saiabaq jáne kópbeiindi ortalyq ta saldyrǵan.
Filippin boksshysy Menni Pakiao turmysy nashar kópbalaly otbasynda ósti. Balalar negizinen tamyr jemisterimen (sábiz, qyzylsha siiaqty) jáne bananmen tamaqtandy. Sondyqtan Menni otbasyna kómektesý úshin 12 jasynda jumysqa turdy. Ol kóshede táttiler sata bastap, bos ýaqytynda bokspen shuǵyldanady.
Bul iste oǵan kómektesken nemere aǵasynyń aitýynsha, Menni eshqashan jalqaý bolmaǵan. Ol tabandylyǵynyń arqasynda segiz salmaq dárejesinde álem birinshiligin jeńip alǵan álemdegi jalǵyz boksshy atandy. Odan bólek saiasatpen ainalysyp, kongrestegi sailaýda jeńiske jetti.
Menni Pakiao jekpe-jekten alǵan alǵashqy qomaqty júldesine ózi týyp-ósken Tango eldi mekeniniń kedei turǵyndaryna birneshe úi salyp berdi. Ýaqyt óte kele úisiz-kúisiz júrgen myń otbasyǵa baspana turǵyzdy.
Pakiao óz eldi mekenin "Pakman-villadj" dep atady. Al balalar bos júrip, esirtkige áýes bolmaýy úshin sport alańdaryn, qoǵamdyq saiabaq jáne kópbeiindi ortalyq saldyrdy.
Menni Filippindegi eń tabysty jáne eń bai adam sanalady. Ol eshqashan jetistigimen maqtanyp, dandaisyǵan emes. Óz isimen jastarǵa, tutastai alǵanda álemdegi barlyq adamǵa úlgi bola bildi.
