Elimizdegi eń iri kásiporyndardyń biri «Qaztsink» JShS tótenshe jaǵdaiǵa orai birqatar sharalardy qolǵa alýda. Kompaniianyń ákimshilik máseleler jónindegi atqarýshy direktory Andrei Lazarevtyń aitýynsha, sanitarlyq sharalar kúsheitilip, qyzmetkerler qashyqtan jumys isteýge kóship jatyr, dep habarlaidy "Ult aqparat".
«Qaztsink» JShS 1997 jyly Shyǵys Qazaqstannyń Óskemen qorǵasyn-myrysh kombinaty, Leninogor polimetall kombinaty jáne Zyrian qorǵasyn kombinaty siiaqty iri-iri úsh tústi metallýrgiia alybynyń aktivterin biriktirý arqyly qurylǵan. Barlyq úsh kompaniianyń negizgi menshik iesi QR Úkimeti boldy. Qaztsink aktsiialarynyń baqylaý paketi jeke sektorǵa satylǵan soń «Glencore International AG» kompaniianyń bas investory atanǵan. Qaztsink qurylǵannan bergi jyldar ishinde óndiristik qýat men ónim óndirýdi barlyq baǵyttar boiynsha edáýir arttyrdy. Kompaniia óndiris shyǵyndaryn meilinshe azaita otyryp, álemdik myrysh salasyndaǵy ozat kásiporyndar bestigine kirýdi maqsat etken.
«Álemdi ábigerge salǵan koronavirýstyń taralýyna jol bermeý maqsatynda birqatar sharalar keshenin bekittik. Qyzmetkerlerdiń bir bóligi qashyqtan jumys isteýge kóshirildi. Turaqty túrde dezinfektsiialaý sharalary júrgizilýde. Sonymen qatar kompaniia qyzmetkerleri men olardyń otbasylaryna 100 myń dana qorǵanys maskasy taratylady», - deidi Andrei Lazarev.
Onyń aitýynsha, búginde kompaniiada Shyǵys Qazaqstan, Qaraǵandy jáne Aqmola oblystarynda shamamen 20 000 adam jáne merdigerlik uiymdardyń 5000 qyzmetkeri jumys isteidi.
«Osylaisha ár adamǵa 3-4 maskadan beriledi. Bul maskalardyń sapasy joǵary. «Qaztsink» árqashan qyzmetkerleriniń densaýlyǵy men qaýipsizdigin birinshi kezekke qoiady», - deidi atqarýshy direktor.
