«QazTransGaz Aimaq» AQ-nyń Shymkent filialyna qatysty tórt ákimshilik hattama toltyryldy, dep habarlaidy QazAqparat QR QR Ulttyq ekonomika ministrligi Tabiǵi monopoliialardy retteý agenttiginiń baspasóz qyzmetine silteme jasap.
Buǵan deiin, Qazaqstan Respýblikasy Ulttyq ekonomika ministrligi Tabiǵi monopoliialardy retteý komitetiniń Shymkent qalasy boiynsha departamentiniń atyna «QazTransGaz Aimaq» AQ-y Shymkent óndiristik filialynyń is-áreketine qatysty 4 azamattan ótinish kelip túsken bolatyn.
Departament osy ótinishterdiń negizinde, «Tabiǵi monopoliialar týraly» Qazaqstan Respýblikasy Zańynyń normalaryn saqtaý mánine jospardan tys tekserý júrgizdi.
Jospardan tys tekserý nátijeleri boiynsha «QazTransGaz Aimaq» AQ-nyń Shymkent óndiristik filialy berilgen tehnikalyq sharttarǵa sáikes qurylys-montajdaý jumystarynyń aiaqtalǵany týraly aqparat alyp, rettelip kórsetiletin qyzmetke qospaǵany týraly anyqtaldy, bul óz kezeginde «Tabiǵi monopoliialar týraly» Qazaqstan Respýblikasy Zańynyń 24 jáne 26-baptaryn óreskel buzý bolyp tabylady.
Osyǵan bailanysty, departament «QazTransGaz Aimaq» AQ-nyń Shymkent óndiristik filialyna qatysty Qazaqstan Respýblikasynyń «Ákimshilik quqyq buzýshylyq týraly» Kodeksiniń 164-babynyń 4-bóligi boiynsha 4 (tórt) ákimshilik hattama toltyrdy jáne Qazaqstan Respýblikasy zańnamasynyń normalaryn buzýshylyqtardy dereý joiý týraly nusqama engizdi.
