«Respýblikalyq ǵaryshtyq bailanys ortalyǵy» AQ basqarma tóraǵasynyń orynbasary Vasilii Leonov KazSat ǵarysh júiesin ary qarai damytý jospary týraly aitty, dep habarlaidy QazAqparat.
«KazSat ǵarysh júiesin ary qarai damytýǵa erekshe nazar aýdaryp otyrmyz. Osy orada perspektivaly ǵaryshtyq bailanysty qurý boiynsha ázirlemeler jalǵasady. Qazirgi kezde ol KazSat 3R ýaqytsha ataýǵa ie bolyp otyr. Ol qoldanystaǵy KazSat 3 spýtnigin almastyrý úshin arnalǵan. Jobaǵa deiingi jumystar bizde 2024 jylǵa belgilengen», - dedi Vasilii Leonov Digital Bridge halyqaralyq tehnologiialyq forýmynda
Onyń sózine qaraǵanda, bul júieniń nusqasy ǵarysh apparattaryn shyǵaratyn aldyńǵy qatarly kompaniialardyń zamanaýi sheshimderin qoldanýǵa baǵdarlanady.
«2024 jylǵa deiin ózgerister men transformatsiialar engiziletinin, jańashyldyqtar paida bolatynyn túsinemiz. Osy ǵarysh júiesin daiarlaý kezinde bul aspektiler eskeriledi. Qazir negizgi baǵdarlar spýtniktik telearnany trendtik damytýǵa júrip jatyr», - dedi Vasilii Leonov.
Buryn habarlanǵandai, elordada úshinshi ret Digital Bridge halyqaralyq tehnologiialyq forýmy 28-29 qazan aralyǵynda ótip jatyr.
Biylǵy forýmnyń taqyryby - Digital Era Lifestyle. QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Tsifrlandyrý, innovatsiia jáne ǵylym arqyly tehnologiialyq serpilis» ulttyq jobasyn usyndy.
