Qaraǵandy oblysynda qarttar úii turǵyndarynyń, solardyń ishinde 30 múgedekterdiń jáne 60 zeinetkerlerdiń zeinetaqy tólemderi men járdemaqylaryn urlaýdyń qylmystyq shemasy anyqtaldy, dep habarlaidy QazAqparat.
Qylystyq júieni Qazaqstan Respýblikasy Qarjylyq monitoring agenttiginiń Qaraǵandy oblysy boiynsha aýmaqtyq departamenti «Qamqor» jedel aldyn alý is-sharasy aiasynda anyqtaǵan.
Departamenttiń baspasóz qyzmetiniń habarlaýynsha, «Qazposhta» filialynyń qatysýymen 5 jyl boiy qarttar úiiniń qyzmetkerleri zeinetkerler men múgedekterge arnalǵan járdemaqy men zeinetaqyny ózderine ielegen.
Biylǵy jyldyń 18 qańtar kúni páterlerdiń birinde jedel-izdestirý is-sharasynyń nátijesinde qylmyskerler 1,3 mln teńge kólemindegi urlanǵan qarajatty ózara bólisý kezinde, qylmys ústinde ustaldy.
Is júzinde bul aqsha biylǵy jyldyń qańtar aiynda 25 zeinetker men múgedekke tólenetin áleýmettik tólemderge arnalǵan.
«Atalǵan fakti boiynsha Qylmystyq kodekstiń 190-baby 3-bóligi 3-tarmaǵymen qylmystyq is qozǵalyp, sotqa deiingi tergeý amaldary júrgizilýde»,-delingen QR QMA baspasóz qyzmeti taratqan aqparatta.
