Ulttyq poshta operatory jáne iri internet-provaider klientter úshin jańa servisterdi damytady. «Qazposhta» AQ jáne «Ksell» AQ basshylary yntymaqtastyq týraly memorandýmǵa qol qoidy, dep habarlaidy "Ult aqparat".
Memorandým aiasynda qolǵa alynatyn barlyq jobalar birinshi kezekte aýyldar men aýdan ortalyqtarynda turatyn qazaqstandyqtardyń qajettilikterin óteýge baǵyttalǵan.
Eldi meken turǵyndary Qazposhtanyń jergilikti bólimsheleri arqyly smartfondarǵa tapsyrys berý múmkindigine ie bolady. Olarǵa qajetti gadjetterdi qolma-qol aqshaǵa jáne bólip tóleý arqyly satyp alýdyń tiimdi sharttary usynylady.
Sonymen birge turǵyndar Post.kz saity nemese mobildik qosymshasy arqyly Kcell internet-dúkeninen taýarlarǵa tapsyrys berý múmkindigin ielenedi. Ony Qazposhta elimizdegi kez kelgen óńirge jáne shalǵai aýyldarǵa jetkizedi. Ulttyq poshta operatory agenttik jáne poshtalyq qyzmet arqyly aýyl turǵyndaryna tsifrlyq ónimderge teń qoljetimdilikti qamtamasyz etedi.
«Qazposhta tsifrlyq transformatsiia aiasynda qyzmetterdi jetildirýge jáne elektrondyq saýdanyń áleýetin damytýǵa basymdyq berip otyr. Oǵan bizdiń jáne áriptesimizdiń resýrstar sinergiiasy de septigin tigizedi. Marketpleister, Fullfilment-ortalyqtar jáne poshta-logistikalyq qyzmetter negizinde birlese áreket etý arqasynda tolyq keshendi servistiń ekojúiesi qalyptasady. Bul rette birinshi kezekte aýyl men aýdan turǵyndaryna qolaily jaǵdai jasaýǵa nazar aýdarylǵan. Búginde bizdiń saitymyzda jáne mobildi qosymshamyzda «marketpleister vitrinasyn» qalyptastyrý baǵytynda belsendi jumystar júrgizilýde. Onyń arqasynda shalǵai aýyldyń turǵyndary ózderine qajetti taýarlardy tańdap, olardyń jetkizilýine tapsyrys bere alady», - dep atap ótti «Qazposhta» AQ Basqarma tóraǵasy Qanat Alpysbaev.
«Biz elimizdiń barlyq turǵyny úshin budan da qoljetimdi jáne yńǵaily bolýǵa umtylamyz. Pandemiianyń aýyr kezeńinde biz onlain satýǵa erekshe kóńil bóldik jáne qatelespedik, óitkeni bul bizdiń abonentter úshin óte qajetti ári yńǵaily qyzmet bolyp shyqty. Eger buryn onlain satyp alýdy negizinen iri qalalardyń turǵyndary jasasa, qazir bizde aýyldyq jerlerden satyp alýshylar kóbeiip keledi. «Kcell» qatysatyn «250 +» jobasynyń arqasynda mobildi keń jolaqty internet 250 adamnan turatyn Qazaqstan aýyldaryna keledi, endi aýyl turǵyndary onlain qyzmetterdi qala turǵyndarymen birdei paidalana alady. Al bizdiń «Qazposhtamen» yntymaqtastyǵymyzdyń arqasynda taýarlardy elimizdiń eń shalǵai eldi mekenderine jetkizý barynsha qoljetimdi, tezirek jáne senimdi bolady. Biz úshin abonentterimizdiń ózderin jaily sezinýi óte mańyzdy jáne biz servisterimizdiń deńgeiin kóterý boiynsha únemi jumys isteýdemiz», - dep atap ótti Kcell CEO Iýrii Harlamov.
Ulttyq poshta operatory jáne internet-provaider biylǵy jyldyń sońyńa deiin jańa qyzmetti iske qosady. Onyń arqasynda uialy telefondaǵy qarjyny Post.kz arqyly Qazposhtanyń kez kelgen tólem kartasyna aýdarý múmkindigi usynylady.
