Qazirgi ýaqytta halyq sanaǵyna qatysty is-sharalar ótkizilmeidi, dep habarlaidy "Ult aqparat" QR Ulttyq ekonomika ministrligi Statistika komitetine silteme jasap.
«Áleýmettik jeli men messendjerlerde alaiaqtyqtyń jańa bir túri paida bolǵany týraly aqparat taralýda. Qoldaryna papka ustaǵan, kýálikteri bar, aq jeidedegi jastar ózderiniń ákimdikten ekendikterin jáne halyq sanaǵyn júrgizip júrgenderin habarlai otyryp, úilerdi aralaýda.
Osyǵan bailanysty QR Ulttyq ekonomika ministrligi Statistika komiteti qalyń jurtshylyq pen turǵyndarǵa aqparat berý maqsatynda mundai «siltemelerdiń» shyndyqqa janaspaitynyn jáne halyq sanaǵyn ótkizýge eshqandai qatysy joq ekenin resmi túrde habarlaidy», delingen habarlamada.
Komitettiń málimdeýinshe, eldegi koronovirýs infektsiiasynyń taralýy boiynsha qalyptasqan jaǵdaiǵa jáne qatań karantin shekteý sharalarynyń eńgizilýine bailanysty, QR Úkimeti Ulttyq halyq sanaǵyn ótkizý merzimin keiinge qaldyrý týraly máseleni qarastyrýda.
«Osyǵan bailanysty, qazirgi ýaqytta halyq sanaǵyna qatysty is-sharalar ótkizilmeidi», delingen habarlamada.
