«Qazgidromet» úsh óńirde sý tasqynynyń ekinshi tolqyny bolý qaýpi bar ekenin málim etti. Bul týraly respýblikalyq aqparattyq shtabta ótken brifingide vedomstvo baspasóz hatshysy Alina Ismagýlova aitty, – dep habarlaidy "Ult aqparat" Aikyn.kz basylymyna silteme jasap.
Mamannyń málimetinshe, Soltústik Qazaqstan oblysynyń aýmaǵynda Aqmola oblysynyń aýmaǵyndaǵy salalar boiynsha Esil ózeni boiynsha sýdyń túsýi esebinen (Jabai, Qalqutan jáne t. b.); Batys Qazaqstan oblysynyń aýmaǵynda Resei Federatsiiasynyń aýmaǵynan Jaiyq ózeni arqyly sýdyń túsýi esebinen; Atyraý oblysynyń aýmaǵynda Batys Qazaqstan oblysynyń aýmaǵynan Jaiyq ózeni arqyly sýdyń túsýi esebinen sý tasqynynyń ekinshi tolqynynyń júrý qaýpi bar.
«Shyǵys Qazaqstan oblysynyń aýmaǵynda ornalasqan taýly ózenderde sý tasqyny kezeńi ádette jazyq ózenderden keiin ótedi. Qazirgi ýaqytta Aqmola oblysynyń aýmaǵynda Esil ózeniniń keibir salalarynda sý tasqyny shyńdary ótip jatyr. Bul Esil ózeninde sý deńgeiiniń qaita kóterilýine sebep bolýy múmkin. Sondai-aq sý deńgeiiniń kóterilýi Nura ózeniniń tómengi aǵysynda jalǵasyp jatyr», – dedi Alina Ismagýlova.
