Qazgidromet Qazaqstannyń týristik aimaqtaryna úsh avtomatty meteorologiialyq stansa ornatty, dep habarlaidy QazAqparat.
«Qazgidromet» tanymal týristik baǵyttardy meteorologiialyq monitoringimen qamtýdy qolǵa aldy.
«Pandemiia kezinde qazaqstandyqtardy elimizdiń ásem tabiǵatymen tanystyratyn týristik firmalar men jekelegen belsendilerdiń sany kúrt ósti. Elimizde belsendi týrizmniń damýy gidrometeorologiialyq qamtamasyz etýge degen suranysty arttyrýda. Boljamdardyń dáldigi, jaýyn-shashyn men daýyldy ýaqtyly habarlaý ishki týrizmniń birqatar salasynyń kiristerin qalyptastyrady», delingen habarlamada.
Qazaqstannyń týristik aimaqtaryna úsh avtomatty meteorologiialyq stansa ornatty. Olar - Sharyn shatqaly (Sharyn AMS), Kólsai kóli (Kólsai AMS) jáne Túrgen shatqaly (Túrgen AMS).
«Buryn bul aimaqtar Qazgidromet monitoringisiniń jerústi jelisimen qamtylmaǵan bolatyn, degenmen AMS eldi mekenderdiń janynda da, shóldi, taýly jáne ormandy aýdandardaǵy úlken qalalardan qashyq jerlerde de ornalasqan. Qoryqtar ishinde ornalasqan osy úsh aimaqty tańdaýǵa óz betimen saiahattaýshylar men týristik firmalar úshin naqty aýa-raiy boljamynyń qajettiligi sebep boldy», delingen habarlamada.
«Qazgidromet» RMK-niń bir-úsh táýlikke beretin jaýyn-shashyn, jel, aýa temperatýrasy boiynsha boljamdarynyń durystyǵy 92%-ǵa deiin jetedi.
Adamdar kóp jinalatyn tanymal týristik marshrýttar aimaǵyna AMS-ty ornalastyrý kelýshilerge qolaisyz meteorologiialyq jaǵdai, aýa-raiynyń kúrt ózgerýi jáne daýyl týraly eskertý qajettiliginen týyndap otyr. Qazgidromet aldaǵy ýaqytta basqa da tanymal týristik baǵyttardy monitoringimen qamtý kózdep otyr.
