«Qazgidromet» RMK Almaty qalasyndaǵy Qarǵaly ózenindegi kóbikke qatysty túsinikteme berdi, dep habarlaidy "Ult aqparat".
24 shildede «Qazgidromet» RMK Almaty qalasy boiynsha filialy Qarǵaly ózeniniń núktesinde kópirden 0,2 km joǵary Qarǵaly ózeniniń sýynan synama alý jumystaryn júrgizgen.
«Sý sapasyn taldaý negizgi iondar, biogendi, organikalyq jáne beiorganikalyq zattar men aýyr metaldardy qosa alǵanda, 44 fizikalyq-himiialyq kórsetkish boiynsha júrgiziletin bolady.
Birinshi kúngi alynǵan sýdyń taldaý nátijeleri boiynsha: sýdyń temperatýrasy 18,2ºC qurady, sýtegi kórsetkishi 7,78, sýda eritilgen otteginiń kontsentratsiiasy 8,4 mg/dm3, móldirligi – 21 sm, iisi – 0 ball, tabiǵi sýǵa tán emes iis tabylǵan joq, sý - móldir» - delingen taratylǵan habarlamada.
Qazirgi ýaqytta aýyr metaldardy, organikalyq jáne biogendi zattardy anyqtaý úshin sý synamalaryna fizikalyq-himiialyq taldaý jasalǵan. Onyń nátijeleri 28 shildede qosymsha jariialanbaq.
