QR Densaýlyq saqtaý ministri Aleksei Tsoi Qazaqstanda Pfizer vaktsinasy júkti áielder men balalar úshin qoljetimdi bolatynyn aitty. Osy oraida ol qazaqstandyqtarǵa bul ekpeni kútpei, basqa vaktsinalardy ala berýge keńes berdi. Bul jaiynda Coronavirus2020.kz Telegram-kanalyndaǵy videoda jariialandy, dep habarlaidy "Ult aqparat".
«Bastapqy kezeńde, qazan aiynda Pfizer vaktsinasy tek balalar men júkti áielderge qoljetimdi bolady. Sondyqtan bul vaktsinanyń kóp kútýdiń keregi joq, qazir baryp ekpe jasata bergen jón. Bir apta ishinde bizde taǵy bir vaktsina bolady, ony Dúniejúzilik densaýlyq saqtaý uiymy maquldaǵan. Osy oraida bul vaktsinany da saldyrý múmkindigi bolady», - dedi Aleksei Tsoi.
Budan buryn habarlanǵandai, QR Densaýlyq saqtaý ministri Qazaqstanda koronavirýstan vaktsinany qaitalap egýdiń merzimin atady.
«Qazirgi kezde biz merzimdi pysyqtap jatyrmyz, sebebi Qazaqstanda vaktsinalaý aqpan aiynan bastap júrgizildi. Adamdardyń basym bóligi maýsym-shilde kezeńinde ekpe aldy. Osy oraida olardyń aǵzasyndaǵy antideneler áli de bar, onyń deńgeii de joǵary. Sondyqtan ekinshi dozany alǵannan soń shamamen 9 aidan keiin kúntizbege engiziledi. Qazirgi kezde áriptestermen osy máseleni qarastyryp otyrmyz», - dedi Tsoi.
