Ulttyq bank qazan aiynda qymbattaǵan azyq-túlikke jatpaityn taýarlardyń tizimin jariialady, dep habarlaidy QazAqparat.
«Azyq-túlikke jatpaityn taýarlardyń ailyq infliatsiiaǵa qosqan úlesi qazan aiynda 0,25 paiyz boldy. Oǵan sebep bolǵan negizgi faktorlardyń biri – dizel janarmaiynyń qymbattaýy. Qazan aiynda dizel baǵasy 16,6% qymbattady. Ásirese, Aqmola (25,9%) jáne Pavlodar (24,9%) oblystarynda baǵa qatty ósti. Eń tómen ósim boldy degen Qyzylorda oblysynyń ózinde dizel quny 11,6% qymbattady. Jalpy janarmai baǵasy el boiynsha 0,9% ósti», -dep jazylǵan Ulttyq bank saraptamasynda.
Ulttyq bank saityndaǵy málimet boiynsha, qazan aiynda aqyly qyzmetterdiń baǵasy da infliatsiiany údetken.
«Bir aidaǵy baǵanyń ósý deńgeii 0,5% boldy. Óńirlerdiń kóbinde suiytylǵan gaz qymbattady. Bul taýardyń baǵasy respýblika boiynsha 6,4% qymbattady. Ásirese Almaty (15,6%), Shyǵys Qazaqstan (14,7%) jáne Aqmola (14,0%) oblystaryna qymbatshylyq qarqyny joǵary. Nur-Sultan qalasy men Qaraǵandy oblysynda elektr energiiasyna tariftiń kóterildi (8,5% jáne 5,3%). Al kómir respýblika boiynsha 2,1% qymbattady. Ásirese Qaraǵandy oblysynda baǵa qatty artty (9,5%). Al Pavlodar jáne Qostanai oblystarynda ortalyqtandyrylǵan jylý tarifi 6,3% jáne 3,1% tómendedi», - dep jazady Ulttyq banktiń baspasóz qyzmeti.
