Aldaǵy qazan aiynan bastap otandyq QazVac vaktsinasy delta shtamyna qarsy kúresýge beiimdelip shyǵaryla bastaidy. Bul týraly QR Premer-Ministrdiń orynbasary Eraly Toǵjanov málim etti, dep habarlaidy QazAqparat.
«QazVac-tyń delta shtamymen kúrestegi qaýqaryna júrgizilgen zertteý nátijesi otandyq vaktsinanyń tiimdi ekenin kórsetti. Úkimettiń tapsyrmasy boiynsha Biologiialyq qaýipsizdik problemalarynyń ǵylymi-zertteý institýty (BQPǴZI) ýhan koronavirýsynyń shtamyn deltaǵa beiimdeý jáne aýystyrý boiynsha mańyzdy jumys júrgizdi. Qazan aiynda búkil QazVac vaktsinasy delta shtamymen shyǵarylady. Al Eta shtamy boiynsha búginde atalǵan institýt patologiialyq materialdar aldy jáne 2 apta ishinde shtamm boiynsha zertteý jasaý josparlanyp otyr. Sodan keiin atalǵan shtamǵa qatysty QazVac tiimdiligin synaý jumysy júrgiziledi», - dedi Toǵjanova Úkimet úiinde ótken baspasóz máslihatynda.
Premer-Ministr orynbasarynyń aitýynsha, elge kelgen koronavirýs shtamdaryn zerttep, onymen kúresý máselesi únemi baqylaýda.
