Qazaqstannyń vaktsinatsiia pasporty qai elderde jaramdy? Bul saýalǵa QR Densaýlyq saqtaý ministri Aleksei Tsoi jaýap berdi, dep habarlaidy "Ult aqparat".
«Qazirgi ýaqytta úsh el vaktsinatsiia pasportyn ekijaqty formatta moiyndaý týraly niet bildirdi. Iaǵni, Mońǵoliia, Vengriia jáne Tailand pasporttardy ózara moiyndaý týraly ótinishpen júgindi. Búginde olarmen jumys istep jatyrmyz. Buǵan qosa, Túrkiia, Kipr syndy elder barlyq eldiń vaktsinatsiia pasportyn moiyndaidy», - dedi ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, elimizdiń Syrtqy ister ministrligi shet memlekettermen vaktsinatsiia pasportyn ózara moiyndaý máselesin pysyqtap jatyr.
«Biraq, buǵan qatty arqa súieýdiń qajeti joq. Óitkeni, is júzinde kez kelgen elge qolyńda PTR-test nátijesi bolsa bara alasyń. Siz elge emin-erkin kire alasyz. Sondyqtan bul jerde eshqandai problema bolmaýy tiis», - dedi Aleksei Tsoi.
