Foto: liter.kz
Qazaqstannyń tuńǵysh Premer-ministri Sergei Tereshenko 72 jasqa qaraǵan shaǵynda dúnieden ozdy. Aqparatty Amanat partiiasynyń baspasóz qyzmeti rastady, - dep habarlaidy "Ult aqparat".
Tereshenko Sergei Aleksandrovich 1951 jyly dúniege kelgen. Qazaq aýyl sharýashylyǵy institýtyn, Almaty joǵary partiia mektebin, Resei ǴA Ekonomika institýtyn bitirgen.
Eńbek jolyn Shymkent oblysynyń Túlkibas aýdanyna qarasty Kýibyshev atyndaǵy keńsharda bas injener bolyp bastaǵan.
Ol Qazaq KSR Ministrler keńesi tóraǵasynyń birinshi orynbasary, Qazaq KSR Joǵarǵy keńesi tóraǵasynyń birinshi orynbasary, Qazaq KSR Prezidentiniń orynbasary, Qazaq KSR prezidenttik keńesiniń múshesi bolǵan. Odaq bólek QR Shetel investitsiiasy ulttyq agenttiginiń tóraǵasy jáne Ulttyq valiýtany engizý jónindegi ulttyq komisiianyń tóraǵasy qyzmetterin atqarǵan.
Sonymen qatar 1991 jyldy qazany men 1994 jyldyń qazany aralyǵynda Qazaqstan Respýblikasynyń birinshi Premer-Ministri bolyp eńbek etti.
Saiasattaǵy qyzmetinen keiin Sergei Tereshenko kásipkerlikpen ainalysqan. El úshin jańa óndiris oryndaryn ashyp, sharýashylyqtar men sý elektr stantsiialaryn salǵan. Ol 2022 jylǵy Forbes reitinginde Qazaqstannyń eń yqpaldy 50 biznesmeniniń qataryna engen.
Aita keteiik, burynǵy saiasatker Primorsk ólkesiniń Lesozavodsk qalasynda dúniege kelgen. Ulty - ýkrainalyq.
