© Photo: Pixabay / TeroVesalainen /
Qazaqstanda telefon kody +7-den +77-ge ózgerýi múmkin. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty, - dep habarlaidy "Ult aqparat" Tengrinews.kz saityna silteme jasap.
Ol AQSh-qa sapary barysynda Halyqaralyq elektrbailanys odaǵynyń (ITU) basshysymen kezdesip, Qazaqstannyń telefon kodyn ózgertý máselesin talqylaǵanyn atap ótti.
"Qazirgi kod +7. Men AQSh-ta bolǵanymda ITU basshysy Dorin Bogdan-Martinamen kezdestim. Onymen bul máseleni talqyladyq. +997-ge ótý qiyn emes. Bul nómirdi bizge rezervke qoidy. Biraq men bizge +7 emes +77 qaldyrýdy usyndym. Alaida ITU bir kúnde sheshim qabyldai almaidy, óitkeni ol halyqaralyq uiym jáne mundai ótinishter boiynsha kezdesýler men talqylaýlar ótkizýi kerek. Bizge ózgertý týraly usynysty talqylaýǵa ýáde berdi. Qazaqstanda basqa eldermen birge qoldanylatyn +7 emes, óziniń +77 kody bolady dep úmittenemiz", - dedi Mýsin Úkimet otyrysy kýlýarynda.
Buǵan deiin Tsifrlyq damý ministrligi Qazaqstan 2023 jyldyń qańtarynan jańa telefon kodyna kóshýdi josparlap otyrǵanyn habarlaǵan edi.
