«Sakraldy Qazaqstan» ǵylymi-zertteý ortalyǵynyń basshysy, saiasattaný ǵylymdarynyń kandidaty Berik Ábdiǵaliuly Qazaqstannyń Sakraldy kartasy boiynsha 100 kúndik jumystyń qorytyndysy týraly aityp berdi, dep habarlaidy "Ult aqparat" RrimeMinister.kz portalyna silteme jasap.
Aldymen Berik Ábdiǵaliuly «Sakraldy Qazaqstan» ǵylymi-zertteý ortalyǵy 2017 jylǵy 15 mamyrda qurylǵanyn eske saldy. Sol kezde barlyq óńirde sakraldy oryndardy anyqtaý boiynsha oblystyq komissiialar qurylǵan bolatyn. Ortalyqtyń mindetiniń biri - jobalardy saraptaý-ádistemelik súiemeldeý. Nysandardyń qundylyǵyn anyqtaýmen QR mádeniet jáne sport ministri Arystanbek Muhamediuly basshylyq etken jumys toby ainalysady.
«Biz ázirlegen usynystar boiynsha óńirlerden shamamen 1 000 tizim kelip tústi. Búginde jetekshi ǵalymdar men qoǵam qairatkerlerinen qurylǵan saraptaý keńesiniń sheshimimen mádeni muranyń 100-ge jýyq jalpy ulttyq jáne 500 óńirlik nysany anyqtaldy», – dep habarlady B. Ábdiǵaliuly.
Sondai-aq, onyń aitýynsha, qyrkúiekte mádeniet jáne sport ministrliginiń qoldaýymen, el óńirlerine respýblikalyq «Sakraldy Qazaqstan» ekspeditsiiasyn uiymdastyrý josparda bar. Ekspeditsiia kezinde ǵalymdar ólketanýshylarmen birlesip, árbir sakraldy nysandy qujattandyryp, olardyń qundylyqtary týraly baiandalatyn ańyzdar jazady.
«Is júzinde, halyq bul jerlerdi buǵan deiin anyqtap qoiǵan. Bizdiń mindetimiz – sakraldy oryndardyń biryńǵai jelisin qurý. Bizge sakraldy jáne rýhani qundylyqtar mańyzdy. Olar úlken tárbielik jáne bilimdik sipattaǵy ról oinaidy. Keleshektegi mindet – olardy keńinen nasihattaý. Adamdar qandai qundylyqtarǵa ie ekenderin túsinýi kerek», - dedi B. Ábdiǵaliuly.
