Qazaqstannyń birqatar óńirinde qatty jel men shańdy daýyl soǵýy yqtimal, dep habarlaidy "Ult aqparat" «Qazgidromet» RMK-ǵa silteme jasap.
25 mamyr kúni Qyzylorda oblysynda soltústik-shyǵystan, shyǵystan jel soǵyp, jyldamdyǵy túnde 15-20 m/s, kúndiz 15-20, kei jerlerde 25 m/s-ke jetedi.
26 mamyrda Aqmola oblysynyń kei jerlerinde naizaǵai oinap, shańdy daýyl soǵady jáne burshaq jaýady. Jeldiń baǵyty batystan soltústikke aýysyp, 15-20 m/s bolady. Kókshetaýda 26 mamyr kúndiz batys jeliniń baǵyty soltústikke aýysyp, ekpini 15 m/s-ke jetedi.
25 mamyr kúni Mańǵystaý oblysynyń kei jerlerinde 39 gradýsqa deiin aptap ystyq bolýy yqtimal.
26 mamyrda Pavlodar oblysynda ońtústik-batys jeli soltústikke aýysyp, ekpini 15-20, kei jerlerde 25 m/s, 27 mamyr túnde 15-20 m/s bolady. Pavlodarda 26 mamyr kúndiz, 27 mamyr túnde ońtústik-batys jeliniń baǵyty soltústikke aýysyp, ekpini 15-20 m/s-ke jetedi.
26 mamyrda Soltústik Qazaqstanda túnde jáne tańerteń tuman túsýi yqtimal. Batystan soqqan jeldiń baǵyty soltústikke aýysyp, jyldamdyǵy túnde 15-20 m/s, kúndiz 15-20, ekpini 25 m/s bolady. Petropavlda 26 mamyrda batystan soqqan jeldiń baǵyty soltústikke aýysyp, jyldamdyǵy 15-20, ekpini 25 m/s bolýy múmkin.
