«Qazgidromet» RMK-sy 2021 jylǵy tamyzdyń 19-21 tamyz kúnderi aralyǵyndaǵy aýa raiy boljamyn jariialady, dep habarlaidy "Ult aqparat".
«Qazaqstannyń barlyq aimaǵynda antitsiklon yqpalymen kún jaýyn-shashynsyz bolady. Eldiń shyǵysy men ońtústik-shyǵysynda ǵana frontaldy bólikterdiń ótýimen qysqamerzimdi jaýyn-shashyn bolyp, naizaǵai oinaidy, burshaq jaýyp, jel soǵady. Kúndiz soltústikte 23-30 gradýs aralyǵynda jyly bolady, al ońtústik jáne ońtústik-shyǵysta 25-40 gradýsqa deiin ysidy, ortalyq jáne shyǵysta – 17-35 gradýs aralyǵynda jyly bolady. Qazaqstannyń batysynda ǵana aptap ystyq bolyp, synap baǵanasy 32-41 gradýsqa dein kóteriledi», - delingen Qazgidromet taratqan habarlamada.
