20 jeltoqsan kúni saǵat 18:00-de EKSPO iskerlik ortalyǵynyń aýmaǵynda qalyptasqan dástúr boiynsha elimizdiń bas shyrshasynyń shamdaryn jaǵý saltanaty ótedi, - dep habarlaidy «Ult aqparat».
Ákimdik taratqan habarlamada saltanatty rásim qazaqstandyq ártisterdiń qatysýymen ótetin kontserttik baǵdarlamamen súiemeldenetini aitylǵan. Sonymen qatar kelýshilerdi muz tóbeshigindegi qysqy oiyn-saýyq oiyndary kútedi. Merekelik baǵdarlama elordanyń eń jarqyn ári kelýshiler kóp keletin kórikti jeri – «Nur Álem» sferasynyń mańaiynda ótedi.
Sondai-aq EKSPO iskerlik ortalyǵynyń aýmaǵynda muzaidyn jumys istep tur. 1300 sharshy metr EKSPO muzaidyny bir mezgilde 200 adamǵa deiin qabyldai alady. Konkidi jalǵa alý quny 500 teńge, al jeke konkileri barlar úshin syrǵanaý tegin.
Aita ketý kerek, EKSPO aýmaǵynda dámhana men meiramhanalar, al yńǵaily bolý úshin 3000 turaq orny bar jerasty avtoturaǵy jumys isteidi.
21-27 jeltoqsan aralyǵynda saǵat 15:00-de jáne 18:00-de, 28 jáne 29 jeltoqsan kúni saǵat 12:00-de, 15:00-de jáne 18:00-de Nur-Álemde «Qupiia alyp kúsh» atty jańa jyldyq shoý ótedi.
«Qyzyqty kórinis jańa jyl qarsańyndaǵy is-shara qonaqtaryn áigili filmder men komiksterdegi súiikti sýperkeiipkerlermen tanystyrady. «Nur Álem» Sferasyna bilet boiynsha kirý 6 jasqa deiingi balalarǵa-tegin» delingen habarlamada.
