Qazaqstannyń bas sanitariia dárigeriniń jańa qaýlysy jariialandy, - dep habarlaidy "Ult aqparat".
Qalýy Qazaqstan Respýblikasynyń halqy arasynda koronavirýs infektsiiasy aýrýynyń aldyn alý jónindegi sharalardy odan ári júrgizý týraly.
Qaýlyǵa sáikes:
- 12-den 18 jasqa deiingi jasóspirimderdi, júkti áielderdi jáne laktatsiia kezeńindegi áielderdi koronavirýs infektsiiasyna (budan ári – KVI) qarsy vaktsinalaýdy uiymdastyrý jáne júrgizý jónindegi qyzmetti úilestirý;
- KVI-ge qarsy vaktsinatsiia máseleleri boiynsha buqaralyq aqparat quraldaryn, áleýmettik jelilerdi tarta otyryp, halyq arasynda keń aýqymdy aqparattyq-túsindirý jumystaryn júrgizýdi qamtamasyz etý tapsyrylǵan.
Sondai-aq, 2021 jylǵy 1 qarashaǵa deiingi merzimde:
- Ádistemelik usynymdardy jumysta basshylyqqa alý úshin koronavirýs infektsiiasyna qarsy vaktsinatsiia júrgizýge tartylǵan densaýlyq saqtaý uiymdaryna jiberýdi;
- "Komirnati" (Pfaizer, AQSh) vaktsinasyn qoldana otyryp, KVI-ge qarsy vaktsinatsiialaýdy uiymdastyrý jáne júrgizý boiynsha aýdandyq, qalalyq jáne oblystyq deńgeilerde meditsina qyzmetkerlerine oqytý júrgizýdi;
- Ádistemelik usynymdardy KVI-ge qarsy vaktsinatsiialaýdy uiymdastyrýǵa jáne júrgizýge tartylǵan barlyq meditsina qyzmetkerleriniń nazaryna jetkize otyryp, densaýlyq saqtaý júiesiniń barlyq deńgeiine jumys toptaryn qurýdy;
- oryndalýyn baqylai otyryp, egilýge jatatyn kontingentti KVI-ge qarsy vaktsinatsiialaýdy uiymdastyrý jáne júrgizý jónindegi is-sharalar josparyn ázirleýdi;
- árbir aýdan, qala boiynsha jetekshilik etýi boiynsha júrgizilgen is-sharalardy apta saiyn baqylai otyryp, KVI-ge qarsy vaktsinatsiialaý júrgizý jónindegi is-sharalardy úilestiretin kýratorlardy taǵaiyndaýdy;
- táýlik boiǵy rejimdegi jumys jaǵdaiyna aldyn ala testilei otyryp, "Komirnati" vaktsinasyn saqtaý úshin asa tómen temperatýralyq rejimdegi muzdatqysh jabdyǵyn ornatýdy;
- barlyq mamandarǵa nusqama júrgize otyryp jáne ortalyq qoimada kórinetin jerde "Komirnati" vaktsinasyn saqtaý, tasymaldaý, berý máseleleri boiynsha standartty operatsiialyq rásimderdi (budan ary – SOR) ile otyryp, oblystyń, qalanyń ortalyq qoimasynyń, respýblikalyq qoimanyń qyzmetkerleri úshin SOR daiyndaýdy;
- aýdandyq qoimalarda nusqama júrgizý jáne kórneki jerde SOR ilý arqyly aýdandar men qalalardyń qoimalary úshin SOR daiyndaýdy;
- meditsinalyq uiymdar úshin "Komirnati" vaktsinasyn saqtaý jáne paidalaný máseleleri boiynsha SOR daiyndaýdy qamtamasyz etsin.
2021 jylqy 8 qarashaǵa deiingi merzimde koronavirýs infektsiiasyna qarsy vaktsinatsiia júrgizetin meditsinalyq uiymdardyń daiyndyǵyn monitoringteýdi qamtamasyz etý tapsyrylǵan.
Qaýlynyń tolyq nusqasyn myna silteme arqyly oqi alasyz.
Qaýly qol qoiylǵan kúnnen bastap qoldanysqa engiziledi.
