QR Ulttyq qaýipsizdik komiteti tóraǵasynyń orynbasary - Shekara qyzmetiniń direktory Darhan Dilmanov Qazaqstan men Resei shekarasynda kólik keptelisi neden týyndaitynyn túsindirdi, dep habarlaidy "Ult aqparat".
«Búginde biz bir problemaǵa tap bolyp otyrmyz. Qazaqstanda janar-jaǵarmai baǵasy Reseige qaraǵanda aitarlyqtai arzan. Osy oraida elimizden kórshi memleketke jaǵarmaidy alyp shyǵýǵa niettiler az emes. Sondyqtan otyndy Qazaqstannan zańsyz tasymaldaityndarǵa tosqaýyl qoiýǵa májbúr bolamyz. Osy tektes shekteý sharalary bolmasa, onda elimizde aldaǵy ýaqytta janarmai baǵasy qymbattaýy yqtimal», - dedi D. Dilmanov Parlament Senaty Halyqaralyq qatynastar, qorǵanys jáne qaýipsizdik komitetiniń keńeitilgen otyrysynda.
Onyń atap ótýinshe, osyndai jaǵdai metall men tselliýlozaǵa da qatysty bolyp otyr. Bul ónimder de Reseidegi zaýyttarǵa tasymaldanady.
«Mundai qyzmettermen ainalasý bizdiń ókilettikke kirmeidi, alaida alǵa qoiylǵan maqsattardy oryndaýǵa mindettimiz», - dedi D. Dilmanov.
Budan buryn habarlanǵandai, Senatta «2006 jylǵy 3 qazandaǵy QR Úkimeti men RF Úkimeti arasyndaǵy Qazaqstannyń jáne Reseidiń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister engizý týraly hattamany ratifikatsiialaý týraly» zań jobasy talqylandy.
Shekara qyzmetiniń direktory Darhan Dilmanov Qazaqstan men Resei shekarasynda kólik keptelisi neden týyndaitynyn túsindirdi.
