QR Densaýlyq saqtaý ministrligi ShQO, Túrkistan, Atyraý oblystary men Nur-Sultan qalasynda II sanattaǵy patogendik zerthana salýdy usynyp otyr. Ol úshin keminde 7,7 mlrd teńge qajet, dep habarlaidy QazAqparat.
Mundai usynysty «Qazaqstan Respýblikasynyń biologiialyq qaýipsizdigi týraly» zań jobasyn Májilis depýtattarynyń aldynda tanystyrǵan QR Densaýlyq saqtaý vitse-ministri – Bas sanitar dáriger Erlan Qiiasov kóterdi.
«Zań jobasy aiasynda qolda bar zerthanalyq bazany qosymsha jaraqtandyrýǵa jáne jetildirýge (5,5 mlrd. teńge), fizikalyq qorǵanysty jetildirýge (0,4 mlrd. teńge), immýndyq-biologiialyq preparattardy GMP talaptary boiynsha shyǵarý jónindegi ǵimarat salýǵa (7,7 mlrd teńge), sondai-aq ShQO, Túrkistan, Atyraý oblystarynda jáne Nur-Sultan qalasynda patogendigi II sanattaǵy mikroorganizmdermen jumysty júzege asyratyn 4 zerthana salýǵa jobalyq-smetalyq qujattama ázirleýge (0,3 mlrd teńge) biýdjetten 14,4 mlrd teńge jumsaý kózdelgen», - dedi Erlan Qiiasov.
Onyń aitýynsha, bioqaýipsizdik salasyndaǵy biryńǵai memlekettik aqparat júie qurý úshin 200 mln teńge kerek. Al mikroorganizmder kollektsiiasyn ustaýǵa 400 mln teńge bólý usynylyp otyr.
