Foto: 74.ru
Eýraziialyq ekonomikalyq komissiianyń statistikasy boiynsha Qazaqstanǵa jumys isteýge keletin reseilikterdiń sany eki ese ósken, - dep habarlaidy Tengrinews.kz saity.
Máselen, eger 2021 jyly Qazaqstanǵa jumysqa ornalasý maqsatynda Reseidiń 31 600 azamaty kelse, byltyr 63 000 reseilik kelgen.
Eńbek kóshi-qony jáne halyqty áleýmettik qorǵaý departamentiniń direktory Altynai Ómirbekovanyń aitýynsha, statistika tek jumys isteý maqsatynda kelgen, jumys isteitin adamdar boiynsha júrgiziledi.
"Biz statistikany tek jumysshylarǵa, iaǵni belgili bir elge belgili bir maqsatpen jumys isteýge kelgen adamdarǵa ǵana qatysty júrgizemiz, olar - tirkeý kezinde eńbek shartyn jasaityn adamdar. Maqsaty jumysqa ornalasý bolǵandardy ǵana jazamyz", - deidi Altynai Ómirbekova.
