18 qarashada Almatyǵa Pfizer (Comirnaty) kompaniiasy shyǵarǵan COVID-19-ǵa qarsy vaktsinanyń kezekti partiiasy keldi. Júk quramyna 266 760 doza kirdi. Pfizer kompaniiasymen júrgizilgen kelissózderdiń qorytyndysy boiynsha Biryńǵai distribiýtor barlyǵy 4 mln 230 myń doza satyp aldy, dep habarlaidy QazAqparat.
Qabynýǵa qarsy preparatty amerikandyq Pfizer kompaniiasy jáne Germaniianyń BioNTech tehnologiialyq kompaniiasy shyǵarǵan. Comirnaty Pfizer/BioNTech vaktsinasyn DDU-y shuǵyl paidalanýǵa ruqsat etilgen.
Kelgen vaktsina QR DSM SEBK-niń ruqsattamasyna sáikes jedel túrde elimizdiń óńirlerine jiberildi. Comirnaty vaktsinasyn jetkizý tikelei oblystyq Densaýlyq saqtaý basqarmalarynyń qoimalaryna júzege asyrylady. Vaktsinalardy tasymaldaý «sýyq tizbek» qaǵidaty boiynsha júrgiziledi — árbir kezeńde temperatýralyq rejimdi qatań saqtaý qamtamasyz etiledi. Sonymen qatar, ár deńgeide óziniń jaýapty uiymy jáne jaýapty tulǵalary bar.
Vaktsina logistikasynyń operatory - Comirnaty vaktsinasyn tasymaldaýǵa mamandandyrylǵan Pfizer kompaniiasynyń seriktesi bolyp tabylatyn UPS halyqaralyq logistikalyq kompaniiasy. UPS kompaniiasy vaktsinalardy ýltra tómen temperatýralyq rejimdi qoldaityn «Pfizer» kompaniiasynyń «Softbox» arnaiy tasymaldaý konteinerlerinde tasymaldaidy.
Pfizer tiimdi tasymaldaý, saqtaý jáne temperatýrany baqylaý úshin tolyq logistikalyq josparlar men quraldardy jasady. Sýyq tizbekti saqtai otyryp, vaktsinany saqtaý jáne tasymaldaý týraly naqty nusqaýlar bar.
Vaktsinany saqtaý jónindegi nusqaýlardy naqty oryndaý jáne jaǵymsyz saldardyń aldyn alý úshin Comirnaty vaktsinasyn jetkizýge jáne qoldanýǵa daiyndyq sharalary júrgizildi. Elimizdiń bas sanitarlyq dárigeri halyqty koronavirýstyq infektsiiaǵa qarsy Comirnaty vaktsinasymen vaktsinatsiialaý boiynsha ádistemelik usynymdardy bekitti.
Comirnaty preparatymen vaktsinatsiia júrgiziletin barlyq meditsinalyq uiymdar daiyndyq júrgizdi. Óndirýshi usynǵan sýyq tizbekke qoiylatyn talaptarǵa sáikes ýltra tómen temperatýra -60 -90 So rejiminde saqtaýǵa arnalǵan muzdatqysh jabdyqtar satyp alyndy. Sondai-aq, vaktsinany engizý jáne suiyltý úshin qajetti shpritster qory satyp alyndy.
Pfizer kompaniiasy vaktsinatsiiaǵa qatysatyn tiisti qyzmetkerlerdi vaktsinamen durys, qaýipsiz jáne tiimdi jumys isteýge jáne ony qoldanýǵa úiretti. Pfizer farmatsevtikalyq kompaniiasynyń Qazaqstandaǵy ókildigi Comirnaty vaktsinasy týraly qazaq jáne orys tilderindegi mamandandyrylǵan nusqaýlyq-sait iske qosty. Saitta vaktsina, ony qoldaný jáne saqtaý ádisteri, klinikalyq zertteýlerdiń nátijeleri týraly barlyq aqparat bar.
Biryńǵai distribiýtor «SK-Farmatsiia» JShS-i úshin dári – dármekterdi satyp alý jáne distribiýtsiialaý kezinde basymdyq bul - sapasy men qaýipsizdigi, sondai-aq vaktsinalardy saqtaý jáne tasymaldaý kezinde temperatýralyq rejimdi saqtaý.
