Foto: Álihan Sariev, Tengrinews.kz
Búgin, 10 qarashada Almaty áýejaiyna Qatar Airways áýekompaniiasynyń Pfizer vaktsinasy bar borty qondy, - dep habarlaidy Tengrinews.kz tilshisi.
"Búgin 379 myń doza keldi, erteń el óńirleri boiynsha úlestirý bastalady. Qazaqstan jalpy 4 million 230 myń doza Pfizer vaktsinasyn satyp aldy, olar 2 million 115 myń júkti, bala emizetin áielderge jáne jasóspirimderge arnalǵan. Qorshaǵan ortanyń jaǵymsyz áserinen saqtaý úshin arnaiy muzdatqysh kameralar satyp alyndy, onda vaktsina minýs 90 gradýs temperatýrada saqtalady", - dedi "SQ Farmatsiia" baspasóz qyzmetiniń basshysy Áigerim Smaiylova.
Eske salaiyq, Qazaqstanda Pfizer vaktsinasyn tek júkti, bala emizetin jáne 18 jasqa deiingi balalarǵa salý josparlanǵan.
Vaktsina partiialary birneshe kún boiy jetkiziledi.
Comirnaty - amerikalyq Pfizer kompaniiasy men Germaniianyń BioNTech tehnologiialyq kompaniiasy shyǵarǵan RNQ-ǵa negizdelgen matritsalyq vaktsinanyń (mRNQ) saýda ataýy. COVID-19 taralýyna jol bermeý jónindegi VAK málimetinshe, vaktsinatsiia kýrsy 21-28 kún aralyǵymen engiziletin eki dozadan turady. Jetkizilgen dozalar QR halqyn jappai vaktsinalaýdy aiaqtaýǵa múmkindik beredi. Bul - Qazaqstanda tirkelgen altynshy vaktsina.
Biryńǵai distribiýtor kelip túsken vaktsinany QR DSM SEBK-niń bólý kestesine sáikes jedel tártippen elimizdiń óńirlerine jetkiziledi. Aldaǵy kúnderi Qazaqstan Respýblikasynyń azamattaryna koronavirýstyq infektsiiaǵa qarsy vaktsinatsiialaý úshin qoljetimdi bolady.
Vaktsinany saqtaý nusqaýlyǵyn naqty ustaný jáne jaǵymsyz saldardy boldyrmaý úshin vaktsinany jetkizýge jáne qoldanýǵa daiyndyq sharalary júrgizildi. Óndirýshi usynǵan sýyq tizbekke qoiylatyn talaptarǵa sáikes ýltra tómen temperatýra -60 -90 S rejiminde saqtaýǵa arnalǵan muzdatqysh jabdyqtar satyp alyndy.
Sondai-aq, vaktsinany engizý úshin qajetti shpritster qory satyp alyndy.
Vaktsinatsiiany júrgizetin tiisti qyzmetkerler vaktsinamen durys jumys isteýge jáne ony qoldanýǵa úiretildi.
Comirnaty Pfizer/BioNTech vaktsinasy DDU-ǵa shuǵyl qoldanýǵa ruqsat etilgen, vaktsina AQSh, Ulybritaniia, Kanada jáne EO-da qoldanylady. Klinikalyq zertteýlerdiń nátijeleri boiynsha onyń tiimdiligi 95 paiyzdy quraidy. Bul AQSh-ta jedel qoldanýǵa ruqsat etilgen (Tótenshe paidalaný avtorizatsiiasy, EUA) aiasynda qoldanyla bastaǵan alǵashqy vaktsina.
Eske salaiyq, Qazaqstan aýmaǵynda halyqty vaktsinatsiialaý úshin kelesi vaktsinalar qoldanyldy: QazVac, "Spýtnik V", Hayat-Vax, Soronavac, Sinopharm.
