Qazaqstanǵa Comirnaty (Pfizer) vaktsinasynyń 645 myń dozasy ákelindi. Bul týraly QR Densaýlyq saqtaý ministri Aleksei Tsoi Úkimet otyrysynda aitty, dep habarlaidy QazAqparat.
«Halyqty koronavirýsqa qarsy vaktsinalaý jalǵasýda. 1-komponentti 8,7 mln adam aldy. Bul tiisti eresek halyqtyń 76%-yn nemese 46%-yn quraidy. Ekinshi komponentti 70%-yn nemese jalpy halyq sanynyń 42,2%-yn qamtityn 7,9 millionnan astam adam salǵyzdy. Qazaqstanǵa Comirnaty (Pfizer) vaktsinasynyń 645 myń dozasy kelip tústi. Búgingi tańda 35 012 adam, onyń ishinde 26 354 bala jáne 8 658 júkti jáne bala emizetin áielder ekpe aldy», - dedi vedomstvo basshysy.
Ministr atalmysh vaktsinanyń túrin jetkizý apta saiyn jalǵasatynyn atady.
«Tumaýǵa qarsy vaktsinatsiia is júzinde aiaqtaldy. 2 million 500 myńnan astam adam nemese halyqtyń 99,3% ekpe aldy. Jalpy halyqtyń 13%-yna jáne Dúniejúzilik densaýlyq saqtaý uiymy talap etetin deńgeige (keminde 10%) jetti», - dedi Aleksei Tsoi.
