QR Prezidenti Qasym-Jomart Toqaevtyń QHR Tóraǵasy Si Tszinpinmen jaqynda ótken telefon arqyly sóilesýiniń qorytyndysy boiynsha qytai tarapynyń Qazaqstanǵa gýmanitarlyq kómek berýi týraly ýaǵdalastyqqa qol jetkizildi, dep habarlaidy QR SIM baspasóz qyzmeti.
«Búgin tańerteń Almaty qalasynyń áýejaiyna gýmanitarlyq kómektiń alǵashqy partiiasy keldi. Onyń ishinde teplovizor, test jiyntyǵy, meditsinalyq bahila, qolǵap, kózildirikter jáne meditsinalyq kiim kiredi. Jaqyn arada Qytaidan meditsinalyq qorǵanys quraldarynyń taǵy da kelýi kútilýde» delingen habarlamada.
Málimetke sai, Almaty áýejaiynda júkti «Farmatsiia» SQ, Almaty qalasyndaǵy QR SIM ókildigi, QHR Bas konsýldyǵy ókilderi kútip aldy.
Aita keteiik, buǵan deiin Qazaqstan da Qytaiǵa gýmanitarlyq kómek jasaǵan bolatyn. Keiin Qytai Halyq Respýblikasy Syrtqy ister ministrligi koronavirýs indetimen kúres úshin jetkizilgen Qazaqstannyń gýmanitarlyq kómegine alǵys bildirdi.
