QR Densaýlyq saqtaý ministrligi AstraZeneca vaktsinasyn satyp alý týraly habardy teriske shyǵardy, dep habarlaidy "Ult aqparat".
Buǵan deiin áleýmettik jelilerde ministrliktiń AstraZeneca vaktsinasynyń 3,2 mln dozasyna tapsyrys bergeni týraly aqparat shyqqan edi.
«Bul aqparat shyndyqqa sai kelmeidi. Barlyq kompaniia ókilderimen kelissózder júrip jatyr», - dep jaýap berdi QR DSM baspasóz qyzmeti.
Aita keteiik, QR Densaýlyq saqtaý ministrliginiń deregine sáikes, 2021 jyldyń 14 sáýirinde Qazaqstanda 435 393 adam koronavirýsqa qarsy vaktsina saldyrdy. Onyń ishinde I komponentpen ekpe alǵan adamdar sany 435 393, II komponentpen ekpe alǵan adamdar sany – 107 121.
