Jyl sońyna deiin Qarjy ministrligi jumys berýshige jumysqa qabyldaý kezinde qyzmetkerdiń derekterin elektrondyq formatta alýǵa múmkindik beretin servisti iske qosady. Bul týraly Sybailas jemqorlyqqa qarsy is-qimyl jónindegi V Respýblikalyq kásipkerler forýmynda tsifrlyq damý ministri Baǵdat Mýsin málimdedi, - dep habarlaidy «Ult aqparat».
"Azamattarǵa da, bizneske de qatysty protsester bar. Mysaly, jumysqa qabyldaý. Bizdiń anyqtamalarymyz milliondaǵan ret beriletini belgili boldy. Olardyń artynan adamdar HQKO-ǵa nemese eGov-qa keledi. Jumys berýshiler sottalmaǵandyǵy týraly anyqtamany, psiho-jáne narkodispanserlerden anyqtamany, mekenjaidy rastaýdy talap etedi. Biz jyl sońyna deiin, qazirdiń ózinde synaqtan ótkizip jatyrmyz, adamǵa bul anyqtamalardy eshqaida alyp júrýdiń qajeti joq kezde qyzmet kórsetemiz", - dedi Baǵdat Mýsin.
Ministrdiń aitýynsha, jumys berýshi jumysqa ornalasý úshin áleýetti qyzmetker týraly derekterdi suratyp, JSN engizýi qajet. Sodan keiin laýazymǵa úmitkerge jumys berýshige bul derekterdi elektrondyq formatta berýge daiyn ekendigi týraly SMS keledi.
"Eger ol "OK" dep jaýap berse, onda biz bul aqparatty jumys berýshige derekter bazasynan júkteimiz. Iaǵni jumys berýshiler men HQKO arasynda júrý toqtatylady", - dep túiindedi Mýsin.
Sondai-aq ministr qazir álemniń 23 elindegi kez kelgen qazaqstandyq neke qiiýǵa nemese buzýǵa, týýdy, qaitys bolýdy jáne atyn, tegin, ákesiniń atyn ózgertýge qujattardy "eGov.kz" portal arqyly berýge bolatynyn aitty.
"Prezidenttiń tapsyrmasyna sáikes, biz Syrtqy ister ministrligimen birlesip investitsiialyq klimatty damytý boiynsha jumys júrgizýdemiz. Osylaisha, shetelde azamattarǵa qyzmet kórsetilip qana qoimai, sheteldikter úshin biznes úshin qolaily jaǵdailar jasalady. Bul pandemiia kezindegi jumystyń nátijesi. Mysaly, eger sheteldik azamat bizdiń elde óz biznesin ashqysy kelse, oǵan tiisti qujattardy tapsyrǵannan keiin ETsQ jáne JSN beriledi. Osylaisha, elge kelmei - aq biznes ashýǵa bolady", - dedi ministr.
Qazirgi ýaqytta bul fýnktsiia barlyq elshilikterde beiindi vedomstvomen birlesip engizilip jatyr. Iaǵni, elder tizimi keńeiedi. Keleshekte bul qatarda basqa da elder bolýy múmkin.
Qazaqstanda barlyq memlekettik qyzmetter 2025 jylǵa qarai onlain-formatqa kóshiriledi. Tiisti maqsattar "Tsifrlyq Qazaqstan" memlekettik baǵdarlamasynyń jańa redaktsiiasynda kózdelgen.
Memlekettik baǵdarlamany iske asyrý nátijesinde 2025 jylǵa qarai memlekettik qyzmetterdiń 100 protsenti onlain formatqa kóshedi. Tsifrlandyrý salasyna investitsiialar kólemin 500 milliard teńgege deiin jetedi. IT jáne elektrondyq ónerkásip eksportynyń kólemin 200 milliard teńgege deiin jetkizý, 1 myńnan astam jańa innovatsiialyq kompaniialar qurý jáne 100 myń IT-mamandardy daiarlaýǵa yqpal etý josparlanǵan.
Qoiylǵan mindetti sheshý sheńberinde memlekettik organdar, úkimettik emes uiymdar, AKT salasynyń mamandary jáne biznes-qoǵamdastyq ókilderi "Tsifrlyq Qazaqstan" jańartylǵan jobasynyń 10 basym baǵytyn ázirledi.
Olar áleýmettik qatynastar salasyn tsifrlandyrýdy, energetika men ónerkásipke arnalǵan "Indýstriia 4.0" tehnologiialyq platformasyn, AgriTech jáne Govtech tehnologiialyq platformalaryn qurýdy, sapaly AKT infraqurylymyn jáne aqparattyq qaýipsizdikti qamtamasyz etýdi, Smart city tehnologiialyq platformasyn iske asyrýdy, azamattardyń qaýipsizdik deńgeiin arttyrýǵa arnalǵan tsifrlyq quraldardy, FinTech jáne elektrondyq saýdany, jasandy intellektti damytýdy jáne innovatsiialyq ekojúieni qurýdy qamtidy.
Sonyń nátijesinde Qazaqstanda halyqqa qyzmet kórsetý salasynda ózgeris bolyp, halyq tolyqtai aqparatty onlain formatta alatyn dárejege jetedi. Alaida bul tolyqtai halyqqa qyzmet kórsetý ortalyǵy jabylady degendi bildirmeidi.
Sebebi HQKO-ǵa keletin adamdar bar, olarǵa búgin anyqtama alý nemese keńes alý qajet, bir minýtqa "jai ǵana suraý" úshin keledi. Ministrdiń sózinshe, HQKO-ǵa aldyn ala kezekke turyp kelý tártibi saqtalady.
Esterińizge sala keteiik, Jyl sońyna deiin Qarjy ministrligi jumys berýshige jumysqa qabyldaý kezinde qyzmetkerdiń derekterin elektrondyq formatta alýǵa múmkindik beretin servisti iske qosady. Bul týraly Sybailas jemqorlyqqa qarsy is-qimyl jónindegi V Respýblikalyq kásipkerler forýmynda tsifrlyq damý ministri Baǵdat Mýsin málimdedi. Ministrdiń aitýynsha, jumys berýshi jumysqa ornalasý úshin áleýetti qyzmetker týraly derekterdi suratyp, JSN engizýi qajet. Sodan keiin laýazymǵa úmitkerge jumys berýshige bul derekterdi elektrondyq formatta berýge daiyn ekendigi týraly SMS keledi.
