Ulttyq statistika biýrosynyń basshysy Nurbolat Aidapkelov Úkimette Ulttyq halyq sanaǵynyń qorytyndysyn baiandady, dep habarlaidy QazAqparat.
«Qazaqstan Respýblikasynyń Ulttyq halyq sanaǵy aiaqtaldy. Sanaq el turǵyndarynyń barlyq sanattaryn qamtydy. Onlain saýalnamadan halyqtyń 42,5% ótti, al jappai aralap shyǵý arqyly 57,5% adam sanaqpen qamtyldy. Kórip otyrǵandaryńyzdai, el turǵyndary onlain formattaǵy halyq sanaǵynan ótýge belsene qatysty. Bul kórsetkish onlain formatta sanaqtan ótýdiń ortasha eýropalyq kórsetkishine jaqyndaǵanyn atap ótý qajet», - dedi N. Aidapkelov Úkimettiń búgingi otyrysynda.
Onyń aitýynsha, halyq sanaǵyna 25 myńǵa jýyq sanaq personaly jáne aýmaqtyq bólimshelerdiń jáne biýronyń ortalyq apparatynyń qyzmetkerleri tartyldy.
«Halyq sanaǵyn ótkizýdiń uiymdastyrýshylyq jáne problemalyq máselelerin respýblikalyq deńgeide QR arnaiy komissiia sheshti. Osyndai óńirlik komissiialardy oblystardyń jáne respýblikalyq mańyzy bar qalalardyń ákimderi, al aýdandyq deńgeide aýdan ákimderi basqardy. Sanaqty ótkizý máseleleri apta saiyn Úkimettiń, Úkimettiń tsifrlyq ofisiniń jáne Arnaiy komissiianyń otyrystarynda qaralyp otyrdy», - dedi N. Aidapkelov.
