videodan alynǵan kadr
Qazaqstandyqtardan 85 mln teńgeden astam aqsha jymqyrǵan qarjy piramidasynyń jetekshisi Qazaqstanǵa ekstraditsiialandy, - dep habarlaidy "Ult aqparat" QR Bas prokýratýrasyna silteme jasap.
«Ýkraina Bas prokýrorynyń ofisi qarjy piramidasyn uiymdastyrǵan jáne basqarǵan «K» esimdi Qazaqstan azamatyn ekstraditsiialaý týraly ótinishimizdi qanaǵattandyrdy. Tergeý barysynda atalǵan adamnyń 2017-2018 jyldar kezeńinde turǵyn úi satyp alýǵa járdemdesýge ýáde berip, qazaqstandyq azamattardyń 85 mln teńgeden astam aqshalai qarajatyn aldap alǵany anyqtaldy», - delingen habarlamada.
Prokýratýra málimetinshe, ustalǵan azamatqa halyqaralyq izdeý jariialanǵan.
Biyl qańtarda kúdiktini Ýkraina aýmaǵynda sol eldiń quqyq qorǵaý organdary ustady. Qazirgi ýaqytta ol Astana qalasynyń tergeý izoliatoryna qamaldy.
