Foto: ©RIA Novosti
Qazaqstandyqtar Túrkiiaǵa kómekke 90 myń dollar jinady. Bul týraly Túrkiianyń Qazaqstandaǵy elshisi Ýfýk Ekidji málimdedi, - dep habarlaidy Tengrinews.kz saity.
"Joiqyn jer silkinisi saldarynan zardap shekken Túrkiia Respýblikasynyń azamattaryna qarajat jinaýǵa arnalǵan shotqa qazaqstandyqtardan 90 myń dollar (40 million teńgeden asa. - esk.) tústi", - dedi Túrkiia elshisi Astanada ótken brifingte.
Elshi Túrkiiany qoldaǵan Qazaqstan halqyna alǵysyn bildirdi.
"Biz Qazaqstan memlekettik biliginiń osyndai qoldaý kórsetip, dereý kómek kórsetý sharalaryn qolǵa alǵanyna óte qýanyshtymyz. Qarapaiym azamattar da óz múmkindikterine qarai úndeý qabyldap, Túrkiiadaǵy elshilik pen bas konsýldyqqa gýmanitarlyq kómekke zattardy ákele bastady. Qazaqstan halqy qarjylai kómek kórsetýge daiyn. Olar zardap shekkenderge jiberý úshin qarajat jinaýǵa shot ashýǵa kiristi", - dedi ol.
Qazaqstandaǵy Túrkiia elshiligi bergen shot derektemeleri:
- Qazaqstandyq Ziraat bank KZI Bank.
- Karta nómiri: 5354 5700 2979 2895.
- Shot nómiri: KZ43885102870D1ZLV00.
- SWIFT kody: KZIBKZKA.
Aqshany jeke jáne korporativtik shottardan komissiiasyz aýdarýǵa bolady.
