Foto: Tengrinews.kz/Ainash Óndiris
Qazaqstandyqtar Túrkiia Respýblikasynyń elshiligi men bas konsýldyǵyna gúl shoqtaryn ákelip jatyr, - dep habarlaidy Tengrinews.kz portaly.
Almatydaǵy diplomatiialyq ókildikke tańerteń júzge jýyq adam barǵan. Kóńil aitý kitabyna qoldaý bildirip, tilekterin jazyp jatyr.
Túrik diplomattary Qazaqstan halqyna qoldaý kórsetkeni úshin alǵys aitty. Sondai-aq, olar zilzaladan zardap shekken halyqqa kómek kórsetýge niet bildirgender úshin arnaiy esepshot ashylǵanyn aitty.
Astanadaǵy elshilikke de turǵyndar gúl shoqtaryn ákelip jatyr.
10 aqpanǵa deiin Túrkiianyń Bas konsýldyǵyndaǵy kóńil aitý kitabyna jazba qaldyra alasyz: Almaty qalasy Tóle bi kóshesi, 29a mekenjaiy.
Tengrinews.kz/Ainash Óndiris
Eske salaiyq, 6 aqpanda Túrkiianyń ońtústik-shyǵysynda birqatar jer silkinisi bolyp, Siriianyń birneshe provintsiiasy da zardap shekti. Eń joiqyn jer silkinisiniń magnitýdasy 7-den joǵary boldy. Tabiǵi apattar saldarynan Túrkiiada kóptegen ǵimarat qirady.
