Qazaqstandyqtar tsifrlyq jeke kýálikti Túrkistan áýejaiynda da paidalana alady. Bultýraly QR Tsifrlyq damý, innovatsiialar jáne aeroǵarysh ónerkásibi ministrliginen málim etti, dep habarlaidy QazAqparat.
«Túrkistan qalasynyń áýejaiynda jeke derekterdi rastaý úshin endi «e-Gov Mobile« qosymshasy arqyly tsifrlyq jeke kýálikti kórsetýge bolady. Buǵan deiin mundai qyzmet Nur-Sultan, Almaty, Aqtóbe jáne Shymkent qalalarynyń áýejailarynda qoljetimdi bolatyn. Áýejaida tsifrlyq jeke kýálikti paidalaný úshin «e-Gov mobile« júiesinde tirkelgen paidalanýshy «Tsifrlyq qujattar« servisine kirip, tizimnen jeke kýálikti tańdaýy qajet. Áýejaidyń tirkeý bóliminde, sondai-aq ushar aldyndaǵy tekserýden óterde QR-kody bar smartfonnyń ekranyn kórsetý kerek», - dep atap ótedi vedomstvodan.
Ministrlik málimetinshe, tsifrlyq qujattar qyzmeti ilki rejimde jumys isteidi jáne ázirge Nur-Sultan, Almaty, Aqtóbe, Shymkent jáne Túrkistan qalalary arasynda qoljetimdi. Osy áýejailardyń qyzmetin paidalanýdy josparlap otyrǵan jolaýshylarǵa ózimen birge jeke kýáliginiń túpnusqasyn da alyp júrgeni jón.
Aita keteiik, ishki reisterde tsifrlyq jeke kýálikti paidalaný múmkindigi QR Indýstriia jáne infraqurylymdyq damý ministrliginiń, QR Tsifrlyq damý, innovatsiialar jáne aeroǵarysh ónerkásibi ministrliginiń, «Qazaqstannyń aviatsiialyq ákimshiligi» AQ-nyń, otandyq áýe kompaniialary men áýejailarynyń jáne «Ulttyq aqparattyq tehnologiialar»AQ-nyń júielerdi integratsiialaý boiynsha birlese atqarǵan jumystarynyń nátijesinde iske asyryldy.
