Qazaqstandyqtar "Bazz Laiter" mýltfilmin prokatqa qaitarýdy jáne Mádeniet jáne sport ministri Dáýren Abaevtyń otstavkaǵa ketýin talap etken petitsiiaǵa qol jinaýda, dep habarlaidy Ulysmedia.kz.
Petitsiiaǵa qazirdiń ózinde 2,8 myńǵa jýyq adam qol qoiǵan.
Petitsiiada atap ótilgendei, 14 shildede Mádeniet jáne sport ministri Dáýren Abaev akter Nurtas Adambaidyń "Bazz Laiter" mýltfilmine tyiym salý týraly bastamasyn jariia túrde qoldady. Akter animatsiialyq filmnen LGBT nasihatyn kórip, mýltfilm islam qaǵidalaryna qaishy keledi, "dástúrli emes" qundylyqtardy nasihattaidy dep málimdegen. Alaida, petitsiia avtordarynyń pikirinshe, "Qazaqstan zaiyrly el bolyp tabylady jáne eshbir din jetekshi nemese mindetti dep tanyla almaidy".
"Demek, filmge tyiym salý Qazaqstannyń demokratiialyq negizderine qaishy keledi, onda Qazaqstan azamattary belgili bir dinniń dástúrlerin saqtaýǵa mindetti emestigi aitylǵan. Demek, filmge tyiym salý adam quqyǵyn buzý bolyp tabylady", - delingen petitsiiada.
Sondai-aq, Dáýren Abaev filmge tyiym salýdy qoldaý arqyly respýblika Konstitýtsiiasynda tyiym salynǵan tsenzýrany jaqtap otyrǵany aitylǵan.
"Dáýren Abaevtyń áreketin Ata zańymyzǵa qaishy, ministrge jat dep esepteimiz. Sondyqtan onyń Mádeniet jáne sport ministri qyzmetinen ketýin talap etemiz", - delingen qujatta.
Eske sala ketsek, budan buryn Dáýren Abaev «Buzz Lightyear» animatsiialyq filmi Qazaqstan kinoteatrlarynda kórsetilmeitinin málimdegen.
