Qorǵanys ministrligi merzimdi áskeri qyzmetshiler arasynda eń tanymal ásker túrlerin atady, - dep habarlaidy Tengrinews.kz saity.
"Eń aldymen, desanttyq-shabýyldaýshy áskerler, memlekettik kúzet qyzmeti tanymal. Keibiri shekara qyzmeti bólimsheleriniń áskeri bólimderi ornalasqan óńirlerde qyzmet ótkergisi keledi. Mysaly, shyǵys jáne ońtústik oblystar. Negizinde, barlyq jastar, barlyǵy desantshy, teńiz jaiaý áskeri bolǵysy keledi", - dedi Qarýly Kúshter Bas shtabynyń uiymdastyrý-jumyldyrý jumystary basqarmasynyń bastyǵy, polkovnik Baýyrjan Artyqov.
Qazaqstandyqtardyń belgili bir áskerlerde qyzmet etýge mundai umtylysynyń sebebin suraǵan kezde polkovnik sarbazdardy daiarlaý júiesine toqtaldy.
"Desanttyq áskerler - olardy elitalyq áskerler deidi. Qurlyq áskerlerimen salystyrǵanda sarbazdar men ofitserlerdi oqytý júiesi múldem basqa. Sondyqtan kóp adam áýe-desanttyq áskerlerge túsýdi qalaidy", - dep túsindirdi Baýyrjan Artyqov.
