Máskeýde ótken ASA 115 aralas jekpe-jek týrnirinde qazaqstandyq sportshy, jartylai aýyr salmaqtaǵy Evgenii Egemberdiev ulybritaniialyq Liýk Barnatty nokaýtqa túsirdi. Aýyr soqqydan keiin britaniialyq birden qulady, - dep habarlaidy "Ult aqparat" Vesti.kz basylymyna silteme jasap.
Jekpe-jek birinshi raýnd sońynda aiaqtaldy. Qazaqstandyq qarsylasynyń sol jaq iegine aýyr soqqy jasady. Sodan keiin meditsina qyzmetkerleri oktaganǵa shyǵyp, Barnatqa járdem etti.
Endi Egemberdievtiń esebinde 12 jeńis, úsh jeńilis bar. Al ulybritaniialyq sportshy buǵan deiin 15 ret jeńgen, al sońǵy bes kezdesýinde jeńilip, jalpy jeńilis sany 10-ǵa jetti.
