Qazaqstandyq Mezzo toby Sochide ótken "Novaia volna - 2021" halyqaralyq baiqaýynda tórtinshi oryndy jeńip aldy, - dep habarlaidy "Ult aqparat" Tengrinews.kz portalyna silteme jasap.
Úsh kúniniń qorytyndysy boiynsha top 255 upai jinap, úshinshi orynǵa bir qadam jetpei qaldy. Baiqaýdyń birinshi kúni qazaqstandyqtar Meraiia Keridiń Without you ánin oryndap, qazylar alqasy múshelerinen 86 ball aldy jáne Armeniiadan kelgen qatysýshydan keiingi ekinshi oryndy ielendi.
Ekinshi kúni olar Batyrhan Shúkenovtyń "Dojd" kompozitsiiasyn shyrqap, 170 upaimen úshinshi orynǵa jaiǵasty.
Úshinshi kúni, Mezzo qazaq tilindegi "Mahabbat" ánin oryndady. Qoiylym úshin eń joǵary 10 upaidy Filipp Kirkorov, Igor Krýtoi jáne Dimitris Kontopýlos qoidy. Qalǵan qazalyr alqasy qazaqstandyq Dimash Qudaibergendi qosqa alǵanda qoiylymǵa 9 ball berdi.
Biyl "Novaia volna - 2021" finalynda álemniń 9 elinen 11 qatysýshy bas júldege talasady. Baiqaýǵa qatysýshylardy Igor Krýtoi, Filipp Kirkorov, Svetlana Loboda, Sergei Lazarev, Artik-Asti, Leonid Agýtin, Dima Bilan jáne Dimash Qudaibergen sekildi qazylar alqasy baǵalaidy.
Mezzo - klassikalyq jáne tanymal mýzyka elementteriniń sintezi sanalatyn klassikalyq krossover baǵytynda jumys isteitin Qazaqstandaǵy alǵashqy vokaldyq top. Olar 2012 jyly qurylǵan. Topta Jasulan Sydyqov, Jánibek Seidahmetov, Asan Nurbergenov jáne Meiirhan Janturǵanov án aitady. Ujym 2012 jyly X Factor Kazakhstan konkýrsynda 2-ishi oryn alyp, tanymal bolǵan.
