Qazaqstandyq tanymal ázilkesh Daniiar Jumadilov jer betindegi adamdardyń birligi, birdei ekendigi týraly ándi 10 tilde oryndap, beinebaian túsirdi, dep habarlaidy "Ult aqparat".
Daniiar Jumadilov «Biz birdeimiz» ánine túsirilgen beinebaiandy Instagram paraqshasyna saldy.
Eki kún ishinde beinebaiandy 45 myń adam kórip úlgergen.
«Sońǵy ýaqytta bolyp jatqan oqiǵalar adamzattyń adamgershilik uǵymyn umytyp bara jatqandyǵynan habar etedi. Ultqa bólinip, baibalam salýdyń qajeti joq. Adamdardy násiline qarap emes, adamgershilik qasietterine qarap baǵalaiyqshy», - dep jazdy ol.
Ol atalǵan ándi ýkranin, aǵylshyn, ivrit, nemis, túrik, ispan, parsy, qazaq jáne basqa tilderde oryndady.
