Elordalyq meditsina qyzmetkerleri, juqpaly aýrýlar kafedrasynyń oqytýshylary jáne Astana meditsina ýniversitetiniń stýdentteri koronavirýstyq infektsiiamen kúresýde kúsh biriktirdi, dep habarlaidy "Ult aqparat".
Rezidentter aqpannan bastap qazirgi ýaqytqa deiin Nur-Sultan ákimdiginiń kópsalaly meditsinalyq ortalyǵynda uiymdastyrylǵan oqshaýlaý bóliminde jumys istep jatyr. Olar táýlik boiy COVID-19 diagnozyn juqtyryp alǵan bolýy múmkin turǵyndardy qabyldap, olarǵa jańa virýs týraly túsindirýde.
«Juqpaly aýrýlar kafedrasynyń rezidentteri 1406 nómiri arqyly bailanysýǵa bolatyn call-ortalyǵy jumysyna da tartylǵan. 6 jáne 7 kýrsta oqityn rezidentter men internder Nur-Sultan qalasyndaǵy kopsalaly meditsinalyq ortalyqta naýqastarǵa keńes berý, epidemiiaǵa qarsy sharalardy uiymdstyrý siiaqty jumystar atqarýda», - delingen QR Densaýlyq saqtaý ministrliginiń Tsifrlandyrý keńsesiniń baspasóz habarlamasynda.
Sondai-aq, elordadaǵy meditsinalyq joǵary oqý ornynda oqityn 30 stýdent karantindik statsionar bolyp jabdyqtalǵan Ramada Plaza qonaq úiinde kornavirýstyń taralýyn toqtatý boiynsha jumys júrgizýge niet bildirgn.
«Jalpy alǵanda 31 mamandyq boiynsha 500 rezident jáne Qazaqstan aimaqtaryndaǵy 50 rezident qazirgi ýaqytta meditsinalyq qyzmetshilermen birge virýstyń taralý qaýpin toqtatý úshin qoldan kelgenniń bárin istep jatyr», - delingen baspasóz habarlamasynda.
