Foto: Tengrinews.kz
Búgin Senatta qabyldanǵan Áleýmettik kodekste qazaqstandyq sottalýshylar úshin 2023 jyly 1,61 kúnkóris deńgeii nemese 65 313 teńge kóleminde ai saiynǵy járdemaqy tóleý múmkindigi qarastyryldy, - dep habarlaidy Tengrinews.kz saity.
Senator Lázzat Qaltaevanyń aitýynsha, qylmystyq-atqarý júiesi mekemelerinde birinshi toptaǵy múgedekterge kútim jasaǵan sottalýshylar memlekettik járdemaqy alýǵa ótinish bere alady.
"Járdemaqy mólsheri 1,61 ailyq eń tómengi kúnkóris deńgeiin quraidy (2023 jyly 65 myń 313 teńge.). Búgingi kúni 54 birinshi toptaǵy múgedek sottalýshy túrmede otyr", - dedi senator.
Qozǵalý múmkindigi shekteýli birinshi toptaǵy múgedekterge qyzmet kórsetetin jeke kómekshiler mindetti áleýmettik jáne meditsinalyq saqtandyrýmen qamtamasyz etiledi.
"Bul norma birinshi toptaǵy múgedekterge qyzmet kórsetetin 30 myńǵa jýyq jeke kómekshini mindetti áleýmettik jáne meditsinalyq saqtandyrýmen qamtýǵa múmkindik beredi", - dep qosty Qaltaeva.
