Ulybritaniia Parlamentiniń ǵimaratynda biregei shahmat matchy ótti: Qazaqstan quramasy Lordtar palatasynyń músheleri jáne Vestminster qyzmetkerlerimen saiysqa tústi. Bul týraly Qazaqstan shahmat federatsiiasynyń (KazChess) baspasóz qyzmeti habarlady. Bul – shetel sportshylary qatysqan, osyndai joǵary saiasi deńgeide alǵash ret ótken shahmat oiyny.
Match Ulybritaniiadaǵy Qazaqstan Elshiliginiń bastamasymen jáne Qazaqstan shahmat federatsiiasynyń (KazChess) qoldaýymen uiymdastyryldy. Qazaqstan delegatsiiasynyń quramynda eldiń jetekshi grossmeisterleri boldy:
• Qazybek Nógerbek
• Álisher Súleimenov
• Kseniia Balabaeva
• Gúlmira Dáýletova
• Darmen Sadýaqasov
Qarsylastar ta osal bolmady: britandyq komanda músheleri I razriad pen sport sheberligine úmitker deńgeiin kórsetti.
Ulybritaniia quramasy tómendegi shahmatshylardan turdy:
• Jamie Njoku-Goodwin – burynǵy premer-ministr Rishi Sýnaktyń strategiialyq direktory
• Lord Harold Carter
• Lord Patrick Lawrence
• Lord Dafyyd Wigley
• Chris Fegan – parlament qyzmetkeri, britandyq taraptyń eń myqty oiynshysy, ol Álisher Súleimenovke qatań qarsylyq kórsetti
Match aiaqtalǵan soń Qazaqstan delegatsiiasy Vestminster boiynsha ekskýrsiiaǵa shaqyryldy. Shahmatshylar eńbek naryǵy máselelerine arnalǵan jumys tobynyń otyrysyna qatysyp, jasandy intellekttiń qarqyndy damýy aiasynda búkil álemdi tolǵandyryp otyrǵan taqyryppen tanysty.
Parlamentke sapar – Qazaqstan delegatsiiasynyń jalǵyz maqsaty emes. Shahmatshylar Londonǵa rapid jáne blits boiynsha Komandalyq álem chempionatyna (2025 FIDE World Rapid & Blitz Team Championships) qatysý úshin keldi. Bul týrnir 10-16 maýsym aralyǵynda ótedi. KazChess komandasy quramynda bes qazaqstandyq sportshy óner kórsetedi, al jalpy Qazaqstan shahmatshylary úsh komandanyń – KazChess, Barys jáne Rookies – sapynda qatysady.
KazChess quramy:
Aldiiar Ańsat (2489)
Merýert Qamalidenova (2330)
Elnaz Qaliahmet (2218)
Darmen Daýren (1932)
Darmen Sadýaqasov (2587, rapid)
Rihard Rapport (2714, №27)
Parham Magsýdlý (2691, №38)
Andrei Esipenko (2689, №39)
Aleksandr Grishýk (2667, №57)
Komanda kapitany – KazChess atqarýshy direktory Gúlmira Dáýletova.
Chempionat klýbtyq formatta ótýde. Olimpiadalar men ulttyq birinshilikterden aiyrmashylyǵy – munda komandalar federatsiialar men seriktester nemese tikelei demeýshiler tarapynan jasaqtalady. Londonda Úndistan, Ózbekstan, Germaniia, Ulybritaniia, Qazaqstan jáne basqa elderdiń komandalary baq synaidy.
