Qazaqstandyq QazVac vaktsinasynyń shtamm quramy ózgertiledi. Bul týraly Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakariia málimdedi, - dep habarlaidy Tengrinews.kz.
"Úkimettiń tapsyrmasy boiynsha "delta" shtamy el aýmaǵyna kirgen kezde, jumys bastaldy. Klinikaǵa deiingi zertteýler tolyǵymen janýarlarǵa júrgizildi jáne vaktsinadaǵy shtamm quramyn aýystyrý janýarlarda joǵary nátije kórsetti", - dedi Kúnsulý Zakariia OKQ onlain-brifinginde.
Onyń aitýynsha, qazir aqparat Densaýlyq saqtaý ministrligine jiberilgen jáne "vaktsinanyń kelesi partiiasyndaǵy shtamm quramyn aýystyrý boiynsha birlesken jumys júrgizilip jatyr".
"Densaýlyq saqtaý ministrligi bul qiyn jaǵdaidy túsinip, buryn-sońdy bolmaǵan qadamǵa barady - DDSU-dan keńes almai, tumaýǵa qarsy vaktsinalar tájiribesi boiynsha, jaqyn kúnderi "delta" shtamyn aýystyrýǵa resmi ruqsat beriledi. "Ýhan" koronavirýsyn "delta" shtamyna aýystyramyz, ol óte jaqsy nátije kórsetti", - dep qosty Zakariia.
