Foto: Aýyl sharýashylyǵy ministrliginiń baspasóz qyzmeti
Jáńgir han atyndaǵy Batys Qazaqstan Agrarlyq-tehnikalyq ýniversitetiniń professory, tehnika ǵylymdarynyń doktory Sársenbek Montaev "Álemdegi eń bedeldi ǵalymdardyń 2%" ("World’s Top 2% Scientists") reitingine endi, - dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Elsevier ǵylymi baspasynyń sońǵy málimetterine sáikes, álemniń eń úzdik ǵalymdaryn Stenford ýniversitetiniń sarapshylary qurastyrǵan. Reiting negizine búkil bibliometriialyq málimetteri: ǵalymdardyń mansabyndaǵy barlyq jáne keiingi jyldaǵy dáieksózderi alynady.
Sársenbek Montaev keiingi jyldary BQATÝ-da jumys istep jatyr, qazir ýniversitettiń Indýstrialdy-tehnologiialyq institýtyn basqarady. Qurylys materialdaryn óndirýde jańa tehnologiialardy ázirleýshi, sondai-aq aýyl sharýashylyǵy maqsatyndaǵy jerlerdiń topyraǵynyń qurylymdyq-mehanikalyq qasietterin jaqsartý jónindegi jobanyń basshysy.
Professor "Bolashaq" baǵdarlamasy aiasynda Japoniiada "Nanotehnologiia" mamandyǵy boiynsha ǵylymi taǵylymdamadan ótken.
