Ońtústik Koreianyń Chondjý qalasynda Qazaqstan azamaty tóbeles kezinde pyshaq jaraqatynan qaitys boldy, - dep habarlaidy Tengrinews.kz tilshisi Cj-ilbo saityna silteme jasap.
Buqaralyq aqparat quraldarynyń habarlaýynsha, marqumnyń denesi 12 qazanda jergilikti ýaqyt boiynsha shamamen 16.51-de tabylǵan. Er adam jedel járdem bóliminde moinyndaǵy pyshaq jaraqatynan qaitys bolǵan. Oqiǵa kýágeri politsiiaǵa habarlasqan.
Oqiǵa ornynda adam óltirdi degen kúdikti ustaldy. Ol da Qazaqstan azamaty ekeni anyqtaldy.
Oqiǵanyń egjei-tegjeiin Ońtústik Koreiada turatyn bloger Samat Ahmetov aitty.
"Adam ólimine ákelgen tóbeleske qatysýshylar - nemere-aǵaiyndylar. Olar - Túrkistan oblysy Jetisai aýdanynyń turǵyndary. Tergeý nátijesinde aǵaiyndylardyń biri sýǵa túsip shyqqan kezde ekinshisin urǵan. Ol 26 pyshaq jaraqatyn salǵan, altaýy moinyna baǵyttalǵan. Ekeýi de esin bilgen jáne psihikalyq aýrýhanada tirkelmegen", - dedi Samat Ahmetov.
Blogerdiń aitýynsha, adam óltirdi degen kúdikti qazaqstandyq alty kúnnen beri eshkimmen sóilespegen.
"Men keshe sóilesýge keldim, 17 minýtta eki-aq sóz aitty. Ol 14 qazanda Qazaqstanǵa oralý kerek bolǵan. Onyń qylmysy asa aýyr qylmys dep sanalady, sondyqtan Koreia biligi jazasyn sol el aýmaǵynda óteitini týraly aitty", - dedi Samat Ahmetov.
Samat Ahmetov tórt jyl boiy qazaqstandyqtarǵa jáne TMD-dan kelgen basqa immigranttarǵa Ońtústik Koreiada quqyqtyq máseleler boiynsha kómek kórsetedi, sondai-aq, máiitterdi tasymaldaýǵa kómektesedi.
"Keshe marqumnyń denesin aldym. Ákesi qazir osynda. 21 qazanda ony Shymkent áýejaiyna jetkizemiz", - dep aiaqtady ol.
