Qazaqstandyq oqýshylar biologiiadan halyqaralyq olimpiadada (IBO-2022) 3 kúmis jáne 1 qola medal jeńip aldy. Bul týraly Oqý-aǵartý ministri Ashat Aimaǵambetov áleýmettik jelidegi paraqshasynda jazdy, dep habarlaidy "Ult aqparat".
Erevanda (Armeniia) ótken bilim jarysyna álemniń 64 elinen 250 oqýshy qatysqan.
"Elimizdiń namysyn Nur-Sultan, Almaty jáne Óskemen qalalarynan 4 oqýshy qorǵady. Al bul oqýshynyń barlyǵy bedeldi olimpiadanyń jeńimpazdary atandy.
Ulttyq qurama qorjynyna Erasyl Temirbekov, Dinmuhamed Omar jáne Álihan Jumaǵaleev kúmis medal ákeldi. Al qolany Baqdáýlet Ernazarov jeńip aldy.
Oqýshylarymyzdy laiyqty jeńispen quttyqtaimyn! Jańa jeńister men biik belesterdi baǵyndyra berińizder!" - dep jazdy ministr.
