Jýrnalister ádilet ministri Marat Beketaev elektrkarda júrgenin baiqady. Vedomstvonyń baspasóz qyzmeti jańa qyzmettik kóliktiń únemdi ekenin jáne oǵan tek ministr ǵana emes, onyń orynbasarlary da kóshkenin aitty, - dep habarlaidy Tengrinews.kz.
"Iá, shyn máninde, ádilet ministri, sondai-aq vitse-ministrler jaqynda otandyq avtoónerkásip shyǵarǵan elektrmobilderdi qyzmettik avtokólik retinde paidalanady", - dep rastady ministrliktegiler.
Baspasóz qyzmeti Prezident Qasym-Jomart Toqaevtyń qyzmettik kólikti kútip ustaý, shyǵyndardy azaitý jáne eldegi ekologiialyq problemalarǵa, ásirese aýa sapasyna nazar aýdarý týraly tapsyrmasy osy kólikti tańdaýǵa sebep bolǵanyn aitty.
"Únemdeýge qatysty elektrmobilderdi paidalaný elektr energiiasynyń shyǵyndarymen salystyrǵanda buryn benzinge bólingen biýdjet qarajatyn 3 esege qysqartýǵa múmkindik beredi. Vedomstvo ákimshilik shyǵyndardy ońtailandyrý boiynsha úlken jumys atqarǵanyn atap ótken jón: respýblika boiynsha 109 qyzmettik avtokólik qysqartyldy", - dedi vedomstvo ókili.
