Qazaqstan shahmatshylarynyń birikken quramasy AQSh sportshylaryn 2:0 esebimen jeńdi, dep habarlaidy "Ult aqparat" Qazaqstan shahmat federatsiiasynyń saityna qyzmetine silteme jasap.
«Qazaqstan shahmat federatsiiasy bizdiń shahmatshylarymyz ben áýesqoilarymyzdy Qazaqstannyń birikken quramasynyń chess.com oiyn platformasynda ótken «Nations League 2020» (Ulttar ligasy 2020) komandalyq onlain jarysta tamasha óner kórsetýimen quttyqtaimyz. Qazaqstandyq komandanyń AQSh shahmatshylarymen sońǵy matchy ótip, bizdiń sportshylarymyzdyń 2:0 esebimen utty. Qazaqstan osy jeńisimen Nations League 2020 jarysynda ekinshi orynǵa turaqtady, delingen habarlamada.
Qazaqstandyq shahmatshylar alty apta boiy virtýaldyq shahmat taqtasynda AQSh, Angliia, Polsha, Rýmyniia, Grekiia, Argentina jáne Braziliiadaǵy qarsylastarymen kezdesti. Kezdesýdiń jalpy qorytyndysy: bes jeńis, bir teń oiyn jáne bir jeńilis.
Halyqaralyq onlain jarystyń barysynda Qazaqstan quramasy úshin oiyndarǵa elimizdiń kóptegen myqty shahmatshylary, halyqaralyq grossmeisterler men sheberler qatysty, olardyń arasynda ulttyq qurama músheleri R.Hýsnýtdinov, Á.Ismaǵambetov, D.Mahnev, R.Jalmahanov, G.Dáýletova, Á.Serikbai, N.Nurǵali jáne taǵy basqalary boldy.
«Komandanyń jeńisi respýblikada jyl saiyn tamyzdyń úshinshi jeksenbisinde atap ótiletin Sport kúnine qarsy tamasha syilyq boldy», delingen habarlamada.
