Otandyq ǵalymdar ortasha eseppen qansha jalaqy alady?
Bul suraqqa QR Bilim jáne ǵylym ministrligi Ǵylym komitetiniń tóraǵasy Janna Qurmanǵalieva jaýap berdi, dep habarlaidy QazAqparat.
«Otandyq ǵylymdaǵy basty máselelerdiń biri, ǵalymdar jalaqysynyń turaqsyzdyǵy. Búginde ǵalymdar jalaqyny tek ǵylymi konkýrstarǵa qatysý arqyly ǵana alady. Al konkýrstan byltyrǵa deiin 3 jylda 1 ret qana ótip otyrdy. Sondyqtan da osyǵan deiin qazaqstandyq ǵalymdar ǵylymi intstýttyń qyzmetkeri bola tura, ǵylymi dárejesi bola tura, eger baiqaýda jeńbese jalaqydan qur qalatyn. Munyn sebebi qazirgi zańǵa sáikes bazalyq qarjylandyrý kólemine tek ákimshilik jáne tehnikalyq qyzmetkerlerdin jalaqylary jáne ǵimaratty ustaý shyǵyndary ǵana kiredi. Osy jaǵdaidy ózgertý úshin Prezident bazalyq qarajat esebine jetekshi ǵylymdardyń jalaqysyn eńgizýdi tapsyrdy», - dedi Janna Qurmanǵalieva OKQ-de ótken baspasóz máslihatynda.
Sondai-aq, komitet basshysy otandyq ǵalymdardyń búginde qansha jalaqy alatynyn aitty.
«Biylǵy Joldaýda otandyq ǵalymdardyń erekshe nazaryn aýdaryp, bizge júktelgen tapsyrma ǵalymdarǵa laiyqty jalaqy tóleý máselesin sheshý. 2020 jyly ǵalymdardyń ortasha jalaqysy 152 myń teńge qurady. Osy oraida Memleket basshysynyń tapsyrmasyna sáikes qazirgi tańda zańǵa tiisti ózgerister engizý boiynsha Qarjy ministriligimen birlesip jumys jasap jatyrmyz», - deidi ol.
